mið 20. september 2017 08:30
Guðmundur Aðalsteinn Ásgeirsson
Hazard mun aldrei spila fyrir PSG
Mynd: Getty Images
Eden Hazard, leikmaður Chelsea, hefur útilokað það að hann muni spila með Paris Saint-Germain í framtíðinni.

Hazard hefur verið sterklega orðaður við PSG undanfarin ár.

Hann er hins vegar ekki á leið þangað. Hann mun nefnilega, ef hann fer í franska boltann, fara aftur til Lille, en þar spilaði hann áður en hann gekk í raðir Chelsea árið 2012.

„Núna vilja bestu leikmennirnir spila í frönsku úrvalsdeildinni og það er hið besta mál. En ef ég fer þangað aftur þá mun ég spila fyrir Lille - það er mitt félag," sagði Hazard við SFR Sport.

„Ég á enn mikið eftir af ferlinum," sagði hann enn fremur.
Athugasemdir
banner
banner