Á Goal.com er fjallað um hversu ákafur Dybala er sífellt í að verða betri. Hann gerir sér grein fyrir því að enn sé pláss fyrir bætingu og til að mynda hefur þessi örvfætti leikmaður gert ýmislegt til að verða betri á hægri fæti.

„Ég er örvhentur, ég bursta tennurnar með vinstri hendi," sagði Dybala í viðtali.

„Á hverjum degi tek ég penna og reyni að skrifa, en ég geri það með hægri fætinum. Ég set pennann milli tánna og geri allt sem ég get til að hafa meiri tilfinningu og hæfni í fætinum."

„Cristiano Ronaldo hefur skorað mörg hundruð mörk því hann er góður á báðum fótum. Þegar þú getur bara skotið með öðrum fætinum er auðveldara að loka á þig og lesa þig."

Þá segist Dybala gera sjónæfingar til að verða víðsýnni á vellinum.