Chelsea hefur staðfest að félagið náði í dag samkomulagi við Atletico Madrid um sölu á Diego Costa. Spænski Brasilíumaðurinn er á leið í læknisskoðun og mun svo skrifa undir samning við Atletico.
Í yfirlýsingu frá Chelsea segir að Englandsmeistararnir gefi grænt ljós á að Costa haldi til Spánar.
Í yfirlýsingu frá Chelsea segir að Englandsmeistararnir gefi grænt ljós á að Costa haldi til Spánar.
Costa hefur ekki mætt til æfinga hjá Chelsea síðan hann fékk þær upplýsingar að hann væri ekki í áætlunum Antonio Conte fyrir þetta tímabil.
AS sagði frá því í morgun að Costa verði kynntur sem leikmaður Atletico á næstu dögum og Chelsea fái 53 milljónir punda í sinn hlut auk bónusgreiðslna.
Þessi 28 ára sóknarmaður mun ekki geta spilað fyrir Atletico fyrr en í janúar vegna kaupbannsins sem FIFA setti spænska félagið í.
Costa hefur ekki spilað fyrir Chelsea síðan Englandsmeistararnir töpuðu fyrir Arsenal í bikarúrslitaleiknum. Hann hefur neitað því að mæta til æfinga hjá Chelsea á þessu tímabili og verið í verkfalli í Brasilíu.
Chelsea keypti Alvaro Morata til að fylla skarð Costa og hefur leikmaðurinn skorað þrjú mörk í fyrstu fimm úrvalsdeildarleikjum sínum.
Costa hjá Chelsea:
Leikir: 120
Mörk: 58
Stoðsendingar: 24
Gul spjöld: 30
Rauð spjöld: 1
Atletico Madrid:
Leikir: 134
Mörk: 64
Stoðsendingar: 22
Gul spjöld: 35
Rauð spjöld: 2
Hvernig fer Chelsea að því að selja alltaf með hagnaði? Keyptu Costa á £32m 2014. Selja hann síðan djúpfrosinn aftur til sama félags á £50m!
— S. Mikael Jónsson (@S_Mikael_J) September 21, 2017
Athugasemdir