Napoli er búið að skora 19 mörk á tímabilinu, eða næstum 4 í hverjum leik, og lagði nýliða Benevento að velli með sex mörkum gegn engu um síðustu helgi.

„Ég vona að strákarnir geri sitt besta og fái ekki alltof mörg mörk á sig," sagði Walter Mattioli, forseti Spal.

„Því miður er of mikill gæðamunur á bestu liðunum og þeim verstu."

Mattioli segir samband sitt við Aurelio De Laurentiis, forseta Napoli, þó vera mjög gott.

„Aurelio er mjög vinalegur og það er mjög gott samband á milli félaganna. Ég býst við að Napoli muni berjast við Juve um titilinn í ár."