Þrátt fyrir að hafa yfirgefið Chelsea í sumar þá heldur John Terry, fyrrum fyrirliði liðsins, sambandi við gömlu liðsfélagana. Í vikunni sendi hann Brasilíumanninum Willian áritaða treyju.
Terry hefur núna sent fallega kveðju á Diego Costa, sem er reyndar að fara frá Chelsea og ganga í raðir Atletico Madrid.
Terry hefur núna sent fallega kveðju á Diego Costa, sem er reyndar að fara frá Chelsea og ganga í raðir Atletico Madrid.
„Gangi þér vel Diego Costa í næsta verkefni þínu, vinur minn," skrifar Terry við færslu á Instagram.
„Ótrúlegur leikmaður og einn fyndnasti og indælasti náungi sem ég hef hitt í fótbolta, að spila á móti honum á æfingu og í leikjum var algjör martröð, einn sá besti og vanmetnasti sem ég hef spilað með og á móti," heldur Terry áfram.
„Ég á eftir að sakna þín vinur. Gangi þér og fjölskyldu þinni allt í haginn. JT." 💙 @chelseafc 🏆
Costa er að fara aftur til Atletico Madrid eftir að hafa leikið með Chelsea í þrjú ár. Hann var ekki inn í myndinni hjá Antonio Conte, stjóra Chelsea, fyrir þetta tímabil og ákvað því að snúa aftur heim til Atletico þar sem hann spilaði áður en hann fór til Chelsea.
Athugasemdir