Barcelona heimsótti Girona í spænsku úrvalsdeildinni í kvöld.

Gestirnir frá Katalóníu sigruðu örugglega en fengu smá hjálp frá heimamönnum í Girona sem skoruðu tvö sjálfsmörk.

Fyrsta mark leiksins og fyrsta sjálfsmarkið var skorað á 17. mínútu, þá var það Aday sem varð fyrir því óláni að skora sjálfsmark.

Í upphafi seinni hálfleiks kom annað mark leiksins og sjálfsmark, boltinn fór þá af Gorka Iraizoz og í eigið mark.

Luis Suarez setti svo þriðja mark leiksins fyrir Barcelona þegar 69. mínútur voru liðnar af leiknum, niðurstaðan 0-3 sigur Barcelona sem er með fullt hús stiga á toppi spænsku úrvalsdeildarinnar.