Úr leiknum í Grafarvogi.
„Það er hrikalega svekkjandi að hafa fengið með sér úrslitin úr hinum leikjunum og ná ekki að klára verkefnið sjálfur. Við erum mjög svekktir í dag," sagði Skúli Jón Friðgeirsson, sem var með fyrirliðabandið hjá KR í 2-2 jafntefli gegn Fjölni í dag.
Úrslitin í dag þýða að KR mun ekki ná Evrópusæti á þessu tímabili.
Úrslitin í dag þýða að KR mun ekki ná Evrópusæti á þessu tímabili.
Lestu um leikinn: Fjölnir 2 - 2 KR
„Leikurinn er lokaður í byrjun en svo opnast hann svakalega. Ég veit ekki hvað gerist í leiknum, en mér finnst fyrst og fremst lélegt að komast tvisvar yfir og ná ekki að klára þetta."
Fyrra mark Fjölnismanna kom eftir brot sem var dæmt á Skúla. Var það réttur dómur?
„Ég á eftir að sjá það betur en mig grunar að Ingimundur hafi náð að stíga mig út. Ég hef örugglega tekið hann áður en ég komst í boltann. Ég ætla ekki að væla yfir þessu."
Viðtalið má sjá í heild sinni hér að ofan.
Athugasemdir
