Tomer Hemed, sóknarmaður Brighton sem gerði sigurmarkið gegn Newcastle í dag, gæti verið á leið í þriggja leikja bann.
Hemed virtist traðka á DeAndre Yedlin, leikmanni Newcastle, en dómarar leiksins sáu ekki atvikið.
Hemed virtist traðka á DeAndre Yedlin, leikmanni Newcastle, en dómarar leiksins sáu ekki atvikið.
„Ég fann fyrir einhverju á kálfanum, en ég er ekkert að spá í þessu núna. Þetta skiptir engu máli, leikurinn er búinn, ég er viss um að málið verði afgreitt innan knattspyrnusambandsins," sagði Yedlin um atvikið.
Hemed er afar mikilvægur fyrir Brighton, enda eini sóknarmaður liðsins sem er meiðslalaus og búinn að skora tvö mörk í síðustu þremur leikjum.
Chris Hughton, stjóri Brighton, kom Hemed til varnar eftir að hafa horft á atvikið. „Ég er nýbúinn að sjá endursýningu af atvikinu og mér fannst hann ekki vera að gera neitt viljandi."
Athugasemdir