Þjálfaramál meistaraflokks karla hjá KR verða til umræðu á stjórnarfundi í dag samkvæmt heimildum Fótbolta.net.
Talsverðar líkur eru á að Willum Þór Þórsson láti af störfum eftir tímabilið þar sem hann er líklega á leið í framboð á nýjan leik með Framsóknarflokknum.
Talsverðar líkur eru á að Willum Þór Þórsson láti af störfum eftir tímabilið þar sem hann er líklega á leið í framboð á nýjan leik með Framsóknarflokknum.
Síðastliðið haust hélt Willum áfram starfi sínu sem þjálfari KR eftir að ljóst varð að hann kæmist ekki inn á þing. KR gat því ekki staðfest þjálfaramál sín fyrr en á fréttamannafundi þann 1. nóvember í fyrra.
Aftur hefur verið boðað til þingkosninga í lok október í ár og miklar líkur eru á að Willum verði ofarlega á lista Framsóknarflokksins. Því þykir líklegt að hann hætti sem þjálfari KR. Willum var spurður að því í viðtali eftir jafntefli við Fjölni í gær hvað hann ætli sér að gera.
„Þetta er ofsalega erfið ákvörðun og hef feykilega gaman af hvoru tveggja," sagði Willum.
„Þegar maður finnur fyrir trausti eins og félagar mínir í Framsóknarflokknum hafa sýnt mér og kallað eftir þá er erfitt að segja nei. Ég hef ýtt því frá mér eins lengi og ég get til að halda einbeitingu á þessu risa stóra verkefni sem er að þjálfa KR. Með hverjum deginum sem líður verð ég að fara að taka einhverja ákvörðun. Það er augljóst."
KR er í 4. sæti Pepsi-deildarinnar fyrir leikinn gegn Stjörnunni í lokaumferðinni á laugardag en vonir liðsins um Evrópusæti urðu að engu eftir jafnteflið gegn Fjölni í gær.
Hér að neðan má sjá viðtalið við Willum eftir leikinn í gær.
Athugasemdir