Bono og hljómsveit hans, U2, héldu tónleika í Argentínu á þriðjudagskvöldið.
Það vildi svo óheppilega til að argentínska landsliðið var að spila gríðarlega mikilvægan leik í Ekvador í lokaumferð undankeppni HM.
Það vildi svo óheppilega til að argentínska landsliðið var að spila gríðarlega mikilvægan leik í Ekvador í lokaumferð undankeppni HM.
U2 átti að byrja að spila klukkan 9 um kvöldið en var frestað um rúmlega klukkustund vegna leiksins, sem var sýndur á risaskjáum á tónleikunum.
Lionel Messi skoraði þrennu í 3-1 sigri og tryggði hann Argentínu þannig farmiða til Rússlands.
„Við ákváðum þetta allir fyrirfram í sameiningu," sagði Daniel Grinbank, einn af skipuleggjendum tónleikanna.
„Noel Gallagher hitaði upp, svo var leikurinn sýndur og svo lokuðu U2 fullkomnu kvöldi."
Argentína komst beint á HM ásamt Brasilíu, Úrúgvæ og Kólumbíu. Perú mætir Nýja-Sjálandi í umspilsleik á meðan Síle situr eftir heima með sárt enni.
Athugasemdir