Þannig er mál með vexti að Tóbías Sveinbjörnsson atvinnuljósmyndari var fenginn til að taka nektarmyndir af leikmönnum GG í og við húsakynni nokkura styrktarfyrirtækja félagsins og hafa myndirnar verið settar á dagatal sem er nú til sölu hjá leikmönnum félagsins.

Þjálfari og formaður liðsins Pálmi Ingólfsson kom fram ásamt Hauki Einarssyni, liðsmanni og gjaldkera GG, í Olíssporti um daginn til að kynna dagatalið. En það virðist vera nokkur vakning meðal íþróttamanna að nota líkamann til að afla peninga sbr. allar þær auglýsingar sem flæða um markaðinn s.s. Gillette og Nike auglýsingarnar.

Dagatalið kostar aðeins 1500 krónur og rennur öll upphæðin til GG. Myndirnar í dagatalinu eru allar innan velsæmismarka og ætti það því að sóma sér vel á veggjum eða ísskápum landsmanna, en það er í stærðinni A4

Þeir sem hafa áhuga á að kaupa dagatalið geta haft samband í síma 8490261(Pálmi), 6952644(Haukur) eða 8494959(Daníel), eða í tölvupósti; [email protected] eða [email protected].
Heimasíða félagsins er GGfootballclub.blogspot.com en hún er í vinnslu eins og er.