Vefsíðan footyheadlines.com hefur birt teikningu af íslenskum landsliðsbúningi.
Sagt er að um sé að ræða teikningu af HM treyju Íslands 2018 og að henni hafi verið lekið á netið.
Sagt er að um sé að ræða teikningu af HM treyju Íslands 2018 og að henni hafi verið lekið á netið.
Talið er að teikningin sé í það minnsta hugmynd að lokaútgáfunni.
Ítalska fyrirtækið Errea hannar treyju Íslands og á þessari mynd sem birt er á netinu má sjá að þjóðfáni okkar er áberandi í hönnuninni og einnig má sjá víking á vinstri treyjunnar.
Fyrr í þessum mánuði staðfesti Klara Bjartmarz, framkvæmdastjóri KSÍ, að Ísland myndi fara í nýjar treyjur f yrir HM.
„Við erum nýlega búin að funda með Erra varðandi framhaldið á þessu," sagði Klara við Fótbolta.net.
„Við erum með það í ferli hvaða leiðir við ætlum að fara í nýja hönnun og nýtt útlit þannig að allir verði sáttir og ánægðir, hvernig sem það á að gerast," sagði Klara og hló.
Klara bætti við að ekki sé einungis um að ræða nýja búninga heldur allan fatnað sem tengist landsliðinu.
Uppfært:
14:05 Samkvæmt upplýsingum frá Errea er ekki búið að hanna nýja landsliðstreyju svo þessi treyja sem lekið var á netið er ekki HM treyja Íslands.
Athugasemdir