Lokaleikur dagsins í ensku úrvalsdeildinni var viðureign Southampton og West Brom.

Staðan var markalaus þegar flautað var til loka fyrri hálfleiks, en eina mark leiksins lét ekki sjá sig fyrr en undir lok venjulegs leiktíma.

Sofiane Boufal var aðeins búinn að vera inn á í fjórar mínútur þegar hann lék á varnarmenn West Brom og afgreiddi boltann snyrtilega í markið.

Niðurstaðan 1-0 sigur Southampton sem lyftir sér upp í 10. sæti með sigrinum.