Hörður Björgvin Magnússon fær tækifæri með Bristol City í leiknum gegn Crystal Palace í enska deildabikarnum í kvöld. Hörður hefur lítið spilað með Bristol í Championship deildinni en hann hefur spilað alla leiki liðsins í deildabikarnum.
Roy Hodsgon er stjóri Crystal Palace en hann var þjálfari enska landsliðsins gegn Íslandi á EM í fyrra. Hörður var í hópnum hjá Íslandi þá og hann er spenntur að sjá Hodgson aftur.
Roy Hodsgon er stjóri Crystal Palace en hann var þjálfari enska landsliðsins gegn Íslandi á EM í fyrra. Hörður var í hópnum hjá Íslandi þá og hann er spenntur að sjá Hodgson aftur.
„Ég held að minningarnar komi til mín þegar ég sé hann á morgun (í dag)," sagði Hörður í viðtali við Guardian í dag.
Hörður hefur hjálpað Bristol að slá úrvalsdeildarliðin Stoke og Watford úr deildabikarnum og hann vonast til að bæta Crystal Palace við í kvöld.
„Ef við getum unnið Stoke og Watford þá getum við augljóslega unnið Crystal Palace," sagði Hörður.
„Þetta veltur á því hvernig þeir koma inn í leikinn. Ef þeir mæta eins og England gegn Íslandi þá getum við rúllað yfir þá ... nei, þetta verður mjög góður og erfiður leikur."
Sjá einnig:
Dybala og Hörður vonast til að mætast á HM
Athugasemdir