Kevin de Bruyne skoraði annað mark Manchester liðsins í 0-2 sigri, hann var skiljanlega sáttur með spilamennsku liðsins í dag.

„Við stjórnuðum leiknum í 90 mínútur, það er ekki auðvelt gegn liði eins og Leicester, leikstíllinn hjá þeim er mjög beinskeyttur."

„Okkur tókst ekki að skapa okkur mörg færi en seinni hálfleikurinn hjá okkur var mjög góður."

„Við erum mjög ánægðir með það hvernig við erum að spila, það er þétt dagskrá þessa dagana en við erum að gera góða hluti," sagði Kevin de Bruyne að lokum.