Hörður Björgvin Magnússon ræddi árangur íslenska landsliðsins í samtali við heimasíðu FIFA í vikunni sem var að líða.

Hörður eignaði sér stöðu vinstri bakvarðar í síðustu undankeppni og stóð sig virkilega vel er Ísland tryggði sig inn á HM í Rússlandi.

En hvers vegna hefur Ísland náð svona góðum árangri?

„Að við séum að fara á HM kemur okkur ekki á óvart, það hefur alltaf verið markmið okkar," sagði Hörður.