Edgardo Bauza. Rekinn.
Það er þjálfarakrísa hjá knattspyrnusambandi Sádi-Arabíu í aðdraganda HM.
Hollendingurinn Bert Van Marwijk náði þeim árangri að koma landsliði Sádi-Arabíu á HM en eftir undankeppnina sigldu viðræður við hann um nýjan samning í strand.
Hollendingurinn Bert Van Marwijk náði þeim árangri að koma landsliði Sádi-Arabíu á HM en eftir undankeppnina sigldu viðræður við hann um nýjan samning í strand.
Van Marwijk gerði þá kröfu að búa í Evrópu en forráðamenn knattspyrnusambandsins voru ekki hrifnir af því. Eftir fundi var ljóst að samningar myndu ekki nást og ráða þurfti nýjan þjálfara.
Argentínumaðurinn Edgardo Bauza var þá ráðinn í starfið en forráðamenn knattspyrnusambandsins eru ekki ánægðir með spilamennsku landsliðsins undir hans stjórn.
Bauza var rekinn eftir aðeins um tvo mánuði í starfi. Undir hans stjórn vann Sádi-Arabía sigra gegn Lettlandi (2-0) og Jamaíka (5-2) en tapaði gegn Gana (3-0), Portígal (3-0) og Búlgaríu (1-0).
Óvíst er hver mun stýra Sádi-Arabíu á HM en liðið er í fjórða og neðsta styrkleikaflokki þegar dregið verður í riðla í næstu viku.
Þetta verður fimmta heimsmeistarakeppni Sádi-Arabíu en þjóðin var síðast með 2006.
Sjá einnig:
Hættur með Ástralíu sex dögum eftir að HM sætið var tryggt
Athugasemdir
