Þýski boltinn heldur áfram að rúlla í dag en þrettánda umferð úrvalsdeildarinnar hófst í gær.

Fimm leikir fara fram í dag og það eru engir smá leikir!

Dortmund fær Schalke í heimsókn en gestirnir eru í 2. sæti deildarinnar með 23 stig. Dortmund er í fimmta sæti, þremur stigum frá Schalke.

Alfreð Finnbogason og félagar í Augsburg fá Wolfsburg í heimsókn en leikurinn verður í beinni útsendingu.

Lokaleikur dagsins verður svo leikur Borussia M'gladbach og Þýskalandsmeistara Bayern Munchen.

Bayern eru með sex stiga forskot á toppi deildarinnar en M'gladbach hafa byrjað vel og eru í fjórða sæti, 8 stigum á eftir Bayern.