Michael Carrick, fyrirliði Manchester United hefur gefið það út að hann hafi verið frá vegna óreglulegs hjartaslátts.

Miðjumaðurinn reyndi hefur farið í meðferð vegna vandamálsins og vonast hann til þess að snúa aftur á völlinn á næstunni.

Carrick fann að eitthvað var að í deildabikarleiknum gegn Burton í september og leiddu rannsóknir í ljós að hann væri með óreglulegan hjartslátt.

Englendingurinn segist nú vera heill, og er hann snúinn aftur á æfingar og er einbeittur á að snúa aftur á völlinn.

Carrick sendi frá sér yfirlýsingu á Twitter en hana má sjá hér fyrir neðan.