Leikmenn Torino á Ítalíu munu leika í grænum treyjum á laugardaginn í leik gegn Atalanta í Seríu A, úrvalsdeildinni á Ítalíu. Torino ætlar með þessu að heiðra og minnast þeirra sem létust þegar brasilíska liðið lenti í flugslysi á leið í leik í fyrra.
Ár er frá slysinu sem varð 29. nóvember í fyrra.
Langflestir leikmenn og starfslið Chapecoense fórust í flugslysinu í Kólumbíu þar sem 71 týndi lífi en liðið var á leið í úrslitaleik í Copa Sudamericana. Flugvélin varð eldsneytislaus.
Ár er frá slysinu sem varð 29. nóvember í fyrra.
Langflestir leikmenn og starfslið Chapecoense fórust í flugslysinu í Kólumbíu þar sem 71 týndi lífi en liðið var á leið í úrslitaleik í Copa Sudamericana. Flugvélin varð eldsneytislaus.
Hjá Torino þekkja menn það vel að takast á við flugslys. Í maí árið 1949 létust átján leikmenn Torino og þrettán til viðbótar þegar flugvél hrapaði nærri borginni Tórínó á Ítalíu. Liðið var á þessum tíma talið eitt það besta í heimi.
Torino leikur vanalega í vínrauðum treyjum en á laugardag verður brugðið út af vananum og mun liðið leika í grænum treyjum rétt eins og Chapecoense gerir vanalega.
Torino mun líka gera 1500 aukatreyjur í grænum lit og selja. Ágóðinn rennur til fjölskyldna fórnarlamba.
Il @TorinoFC_1906 annuncia che sabato 2 dicembre 2017 il Torino andrà in campo contro l’@Atalanta_BC con la maglietta verde, per onorare le vittime della @ChapecoenseReal! pic.twitter.com/lnaKNdZNVW
— Torino Football Club (@TorinoClub1906) November 28, 2017
Athugasemdir