Jóhann Berg Guðmundsson er á sínum stað í byrjunarliði Burnley sem fær Stoke í heimsókn í kvöld.

Jóhann Berg hefur verið funheitur að undanförnu og er búinn að vera duglegur að leggja upp þó hann eigi enn eftir að skora sitt fyrsta deildarmark á tímabilinu.

Burnley vann Watford í síðasta deildarleik sínum um helgina 1-0 og Sean Dyche, stjóri liðsins, kýs að gera engar breytingar á byrjunarliði sínu frá þeim sigri.

Jóhann Berg er því áfram á sínum stað.