RB Leipzig hefur opnað dyrnar fyrir stórveldinu Bayern München að auka forskot sitt á toppi þýsku úrvalsdeildarinnar. Leipzig gerði í kvöld jafntefli gegn Wolfsburg.

Wolfsburg komst yfir í leiknum með marki úr vítaspyrnu á 15. mínútu en Leipzig tókst að jafna í upphafi seinni hálfleiks.

Leipzig stjórnaði ferðinni og hélt boltanum vel en tókst ekki að skora annað mark og jafntefli því staðreynd.

RB Leipzig er í öðru sæti deildarinnar, nú sjö stigum á eftir Bayern sem getur aukið forskot sitt í 10 stig með sigri annað kvöld. Wolfsburg er í 11. sæti með 19 stig.