Stuðningsmenn Lazio flykktust í kjölfarið á vefsíðuna Tripadvisor og gáfu umræddu kaffihúsi verstu mögulegu dóma svo meðaleinkunn þess hrapaði niður í aðeins eina stjörnu.

Giacomelli er þó ekki lengur eigandi kaffihússins en hann seldi það fyrr á þessu ári.

„Kokkurinn sendi okkur máltíð sem var erfitt að kyngja. Ég og vinir mínir kvörtuðum mikið en hann sendi okkur bara burt en lét okkur samt borga háan reikning," er meðal umsagna um kaffihúsið sem stuðningsmaður Lazio skrifaði.

„Þetta átti að vera gott kvöld en allt var eyðilagt af manni sem er ekki fær um að sinna sínu starfi," skrifaði annar.

Giacomelli rak Ciro Immobile af velli í leiknum og sleppti því að dæma vítaspyrnu sem Lazio kallaði eftir. Hann hefur verið gagnrýndur fyrir að nýta sér ekki myndbandstæknina í því tilfelli.

Hjá Lazio eru ýmsar samsæriskenningar í gangi og talað um að hjá félaginu hafi verið rætt um að draga liðið úr keppni.