Þessi 21 árs sóknarleikmaður gæti þurft að færa sig um set í janúarglugganum því hann er ákveðinn í að spila fyrir landslið Nígeríu á HM í Rússlandi næsta sumar. Ísland er meðal mótherja nígeríska landsliðsins á mótinu.

„Hann er góður leikmaður og ef hann heldur áfram að bæta sig þá mun hann vinna sér inn sæti. Við erum með marga leikmenn í hans stöðu og samkeppnin er mikil," sagði Claude Puel, stjóri Leicester, í lok nóvember.

Síðan Puel sagði þetta hefur Iheanacho leikið núll mínútur. Hann var ekki í leikmannahópnum í sigrinum gegn Tottenham á dögunum.

Leicester hefur gengið vel að undanförnu og meðan það gengi heldur áfram verður sífellt erfiðara fyrir Iheanacho að brjóta sér leið í gegn.