Landsliðsmiðvörðurinn Kári Árnason var á skotskónum í skosku úrvalsdeildinni í kvöld.

Hann kom Aberdeen í 2-0 gegn St. Johnstone á útivelli. Kári lúrði á fjærstönginni eftir hornspyrnu og skilaði knettinum í netið. Þetta er annað mark Kára fyrir Aberdeen á tímabilinu.

Staðan var 2-0 í hálfleiknum en eftir stundarfjórðung skoraði Aberdeen þriðja markið og þar við sat.

Aberdeen er í þriðja sæti skosku úrvalsdeildarinnar, fimm stigum frá toppliði Celtic sem á líka leik til góða.