Menn frá sjónvarpsstöðinni TYC Sports í Argentínu mættu til Vestmannaeyja á mánudaginn til að taka viðtal við Heimi Hallgrímsson landsliðsþjálfara en Eyjafréttir greina frá þessu.
Ísland er í riðli með Argentínu á HM næsta sumar og viðtalið var af því tilefni.
Ísland er í riðli með Argentínu á HM næsta sumar og viðtalið var af því tilefni.
Í síðustu viku voru sömu menn í Barcelona að taka viðtal við Lionel Messi áður en þeir héldu til Íslands til að ræða við Heimi.
Þáttastjórnandinn Gaston Recondo sagði við Eyjafréttir að aldrei hefði hann átt von á því að Argentína myndi spila við Ísland og að þeir hefðu lítið vitað um liðið fyrir Evrópukeppnina.
Heimir mætti sjálfur upp á flugvöll til að sækja mennina og bauð þeim heim til sín til að taka viðtalið, viðtökur sem þeir áttu ekki von á.
Athugasemdir
