City er með ellefu stiga forystu á toppi deildarinnar en Guardiola segir að það sé enn pláss fyrir bætingu.

„Ég hef þá tilfinningu að við getum betur. Talsvert betur. Við munum reyna að ná því," segir Guardiola,

Menn hafa talað um hvort City geti farið í gegnum tímabilið án þess að tapa leik, eins og Arsenal gerði 2003-04.

„Það er ekki að fara að gerast. Við reynum að vinna alla leiki en lið tapa leikjum og það mun gerast," segir Guardiola.

City mætir Tottenham á morgun.

„Við erum að fara að mæta toppliði. Staða þeirra í deildinni eða stigafjöldi skiptir ekki máli. Þetta er topplið," segir Guardiola sem fékk í morgun viðurkenningu sem besti stjóri nóvembermánaðar í ensku úrvalsdeildinni.