banner
   sun 17. desember 2017 11:30
Guðmundur Aðalsteinn Ásgeirsson
Ronaldo: Ég er til í að enda ferilinn hérna
Mynd: Getty Images
Cristiano Ronaldo ætlar sér að enda feril sinn hjá Real Madrid, þ.e.a.s. ef hann fær möguleika til þess.

Ronaldo, sem er 32 ára gamall, hjálpaði Madrídingum að vinna HM félagsliða í gær. Ronaldo skoraði sigurmarkið úr aukaspyrnu í upphafi seinni hálfleiksins.

Real Madrid varð fyrsta liðið til að vinna mótið tvö ár í röð með sigrinum í gær.

Ronaldo er samningsbundinn Real Madrid til 2021 og hann langar að enda ferilinn í Madríd.

„Ég er til í það, en það veltur ekki allt á mér," sagði Ronaldo um hvort hann myndi enda ferilinn hjá Evrópumeisturunum.

„Ég er ekki að stjórna félaginu. Mitt starf fer fram inn á fótboltavellinum og ég er að standa mig vel."

Ronaldo var á dögunum valinn besti leikmaður heims í fimmta sinn.
Athugasemdir
banner
banner
banner