„Okkar maður er vaknaður í Bítlaborginni," sagði Rikki G í beinni útsendingu á Stöð 2 Sport 2 þegar Gylfi Þór Sigurðsson ákvað að smella honum í netið gegn sínum gömlu félögum í Swansea.

Leikurinn er nú í gangi en Gylfi var að koma Everton í 2-1.

Gylfi fékk boltann úti vinstra megin frá Wayne Rooney, keyrði inn og svoleiðis smellti honum í markið.

Stórkostlegt mark!

Þetta er þriðja deildarmark Gylfa frá því hann kom til Everton. Hin tvö komu gegn Southampton og Huddersfield.