Besiktas hefur sýnt áhuga á að fá Islam Slimani, framherja Leicester, í sínar raðir. Fikret Orman, forseti Besiktas, var mættur á King Power leikvanginn í gær til að sjá Slimani mæta Fleetwood í enska bikarnum.
Slimani varð dýrastur í sögu Leicester sumarið 2016 þegar hann kom til félagsins á 28 milljónir punda.
Slimani kom til Leicester eftir að félagið varð enskur meistari en hann hefur ekki náð að festa sig í sessi í byrjunarliðinu.
Leonardo Ulloa er annar framherji sem gæti verið á förum en Aston Villa hefur óskað eftir að fá hann á láni auk þess sem fleiri félög hafa sýnt áhuga.
Claude Puel, stjóri Leicester, er sagður vera tilbúinn að hlusta á tilboð í alla framherja sína fyrir utan Jamie Vardy og Shinji Okazaki.
Athugasemdir