fim 18. janúar 2018 22:31
Ívan Guðjón Baldursson
Spánn: Asensio gerði sigurmark Real Madrid
Mynd: Getty Images
Leganes 0 - 1 Real Madrid
0-1 Marco Asensio ('90)

Gengi Real Madrid hefur verið skelfilegt á tímabilinu og eru stuðningsmenn félagsins óánægðir. Þeir létu vel í sér heyra í kvöld er Real voru heppnir að fara heim með sigurinn.

Real heimsótti Leganes í spænska bikarnum og tefldi fram varaliði. Borya Mayoral var fremsti maður, með Marco Asensio og Lucas Vazquez á köntunum.

Leikurinn var afar tíðindalítill og virtist allt stefna í markalaust jafntefli þar til undir lokin, þegar Asensio skoraði frábært mark eftir fyrirgjöf frá Theo Hernandez.

Liðin mætast aftur næsta miðvikudag og fer sigurvegarinn í undanúrslit.
Athugasemdir
banner
banner
banner
banner