lau 20. janúar 2018 11:48
Guðmundur Aðalsteinn Ásgeirsson
Aubameyang spilaði frekar með vinum sínum
Aubameyang er sagður á leið til Arsenal.
Aubameyang er sagður á leið til Arsenal.
Mynd: Getty Images
Pierre-Emerick Aubameyang verður væntanlega ekki leikmaður Borussia Dortmund mikið lengur.

Aubameyang var ekki í leikmannahópi Dortmund gegn Hertha Berlin í þýsku úrvalsdeildinni í gærkvöldi en á sama tíma og leikurinn var náðist mynd af honum í fótbolta með vinum sínum.

Aubameyang hefur nú ekki leikið síðustu tvo leiki Dortmund, en hann tók út agabann eftir að hafa misst af liðsfundi í síðustu viku. Dortmund gerði þá markalaust jafntefli gegn Wolfsburg en þetta var þriðja agabann leikmannsins á rétt rúmu ári.

Dortmund gerði einnig jafntefli gegn Hertha í gær en ástæðan fyrir því að Aubameyang spilaði ekki í gær að sögn Michael Zorc, íþróttastjóra Dortmund, var sú að hann var ekki einbeittur.

Á meðan liðsfélagarnir gerðu jafntefli í Berlín var Aubameyang að leika listir sínar í fimm manna bolta með sínum í Dortmund eins og sjá má á myndinni hér að neðan.

Talið er að Gabonmaðurinn sé að fara til Arsenal, en þar kemur hann til með að fylla skarð Alexis Sanchez.



Athugasemdir
banner
banner