Leikmenn Manchester City komu sér aftur á sigurbraut í kvöld með 3-1 sigri gegn botnbaráttuliði Newcastle.
Sergio Aguero skoraði öll þrjú mörk liðsins. Þar með er hann kominn með 16 mörk í 19 leikjum í deildinni á þessu tímabili.
Manchester City voru orðaðir við Alexis Sanchez en hættu við að fá hann. Guardiola telur ekki vera þörf á því að bæta við sóknarmanni.
„Við erum ekki að fara að kaupa annan sóknarmann," sagði Spánverjinn.
„Við erum með hann [Aguero] og fáum Gabriel úr meiðslum eftir tvær til þrjár vikur."
Manchester City er langmarkahæsta lið deildarinnar með 70 mörk.
Liðið þarf að skora 33 mörk í viðbót til að jafna markamet ensku úrvalsdeildarinnar, sem Chelsea setti tímabilið 2009-2010 er liðið skoraði 103 mörk undir stjórn Carlo Ancelotti.
Athugasemdir