Marko Pjaca sem er nýkominn til Schalke á láni frá Juventus gerði fyrsta mark leiksins er Hannover kíkti í heimsókn.

Leikurinn var frekar tíðindalítill og voru gestirnir talsvert hættulegri og áttu skilið að jafna undir lokin.

Niclas Fullkrug skoraði jöfnunarmarkið eftir fyrirgjöf frá vinstri kanti.

Schalke er í þriðja sæti deildarinnar, sextán stigum frá toppliði Bayern. Hannover er um miðja deild, þremur stigum frá evrópubaráttunni.