Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 22. janúar 2018 12:00
Magnús Már Einarsson
Grátbiður um að sleppa við bann til að geta mætt Man Utd
Otis Khan er í rusli þessa dagana.
Otis Khan er í rusli þessa dagana.
Mynd: Getty Images
Otis Khan, leikmaður Yeovil í ensku D-deildinni, hefur grátbeðið enska knattspyrnusambandið um að taka rauða spjaldið sem hann fékk gegn Chesterfield um helgina til baka.

Kevin Johnson, dómari í leiknum um helgina, vildi meina að Khan hefði slegið til sín og því fékk leikmaðurinn rauða spjaldið.

Hinn 22 ára gamli Khan segist vera saklaus en rauða spjaldið þýðir að hann verður í banni gegn Manchester United í fjórðu umferð enska bikarsins næstkomandi föstudagskvöld.

„Ég hljóp að dómarann og þá datt ég á hann og snerti hann um leið," sagði Khan um rauða spjaldið en hann segir að um óviljaverk hafi verið að ræða.

„Ég er í rusli því að nú er óvíst hvort ég geti uppfyllt draum minn með því að spila gegn liðinu sem ég ólst upp hjá. Þetta er versta augnablik lífs míns."

„Ég ætlaði alls ekki að koma við Kevin Johnson. Herra Johnson, ég biðst afsökunar á að hafa dottið á þig. Alltaf þegar ég hef spilað fótbolta hef ég borið mikla virðingu fyrir dómurum."
Athugasemdir
banner
banner
banner