Fjórir leikir eru á dagskrá í La Liga á Spáni í dag.

Dagskráin hefst klukkan 11:00 þegar Real Sociedad fær Levante í heimsókn. Heimamenn sitja í 14.sæti en gestirnir eru í því 17., aðeins tveimur stigum frá fallsæti.

Klukkan 15:15 fær Atletico Madrid, sem situr í öðru sæti deildarinnar, lið Athletic Bilbao, sem situr í 13.sæti, í heimsókn.

Espanyol fær svo Villarreal í heimsókn í leik sem hefst 17:30. Espanyol er í 15.sæti en Villarreal situr í því 6. og er í harðri baráttu um Evrópudeildarsæti.

Klukkan 19:45 hefst leikur Real Betis og Spánarmeistaranna í Real Madrid. Heimamenn eru í 9.sæti. Gestunum hefur ekki gengið vel í deildinni á tímabilinu og sitja í 4.sæti sem telst ekki gott á þeim bænum.

Liðið vann þó 3-1 sigur á Frakklandsmeisturum PSG í vikunni og mæta því fullir sjálfstrausts í þennan leik.