„Ég hef verið að skora meira og leggja meira upp. Það er alltaf gott. Ég tel að stjórinn sé að ná því besta úr mér. Aðalmálið er samt að við erum að spila og verjast betur sem lið," sagði Gylfi.

„Frammistaða okkar hefur verið mun jákvæðari ef við miðum við byrjun tímabils og það sést í stigafjöldanum sem við höfum ná í að undanförnu."

„Við erum í góðri stöðu miðað við það hvar við vorum fyrir nokkrum mánuðum. Við eigum mikilvæga leiki framundan þar sem við þurfum að standa okkur vel og klára tímabilið af krafti."

Vill bæta útivallarárangurinn
Everton er í 9. sæti í dag en einungis tvö stig eru í Burnley í 7. sætinu. Lið Everton hefur verið í Dubai í æfingabúðum undanfarin og Gylfi vonast til að sú ferð hjálpi til í næstu leikjum.

„Það hefur verið gott að komast í burtu og æfa í sólinni. Þetta hefur verið erfitt en þetta hjálpar okkur," sagði Gylfi.

„Við þurfum að halda áfram. Næstu fimm leikir eru mjög mikilvægir fyrir okkur. Sérstaklega heimaleikirnir. Ef við höldum áfram að spila eins og við höfum gert í síðustu leikjum á Goodison þá kemur það okkur ofar," sagði Gylfi en Everton hefur náð í 17 stig í síðustu átta leikjum á heimavelli.

„Við þurfum að bæta okkur á útivelli og ef við getum byrjað að ná í stig úti líka þá getum við vonandi endað tímabilið vel."