mið 21. febrúar 2018 08:30
Guðmundur Aðalsteinn Ásgeirsson
Bojan kominn heim í Keflavík (Staðfest)
Bojan Stefán hefur samið aftur við Keflavík.
Bojan Stefán hefur samið aftur við Keflavík.
Mynd: Fótbolti.net - Einar Ásgeirsson
Bojan Stefán Ljubicic er kominn aftur heim í Keflavík. Bojan hefur verið að æfa með Keflavík og er nú genginn í raðir félagsins.

Hinn 25 ára gamli Bojan Stefán lék 11 leiki með Fjölni í deild og bikar á síðasta tímabili, en áður en hann fór til Fjölnis fyrir síðasta tímabil var hann á mála í Safamýrinni hjá Fram.

Hann er hins vegar uppalinn suður með sjó í Keflavík en þar hefur hann skorað fimm mörk í 93 deildar og bikarleikjum.

Keflavík mun leika í Pepsi-deildinni í sumar eftir að hafa komist upp úr Inkasso-deildinni síðasta sumar.

Hann er aðeins annar leikmaðurinn sem Keflavík fær í vetur en hinn var Aron Freyr Róbertsson sem kom frá Grindavík.

Komnir:
Aron Freyr Róbertsson frá Grindavík
Bojan Stefán Ljubicic frá Fjölni

Farnir:

Samningslausir:
Aron Elís Árnason
Athugasemdir
banner
banner
banner
banner