mið 21. febrúar 2018 21:57
Guðmundur Aðalsteinn Ásgeirsson
Wright „undrandi á geldum fótbolta" hjá United
Ian Wright.
Ian Wright.
Mynd: Getty Images
Manchester United sýndi ekki sínar bestu hliðar sóknarlega þegar liðið mætti Sevilla í 16-liða úrslitum Meistaradeildarinnar í kvöld. United átti aðeins eitt skot á markið.

„Manchester United liðin sem ég spilaði við reyndu að sækja á þig," segir Ian Wright, fyrrum sóknarmaður Arsenal, en hann var á vaktinni fyrir BBC í kringum leikinn í kvöld.

Wright segir að það sé ótrúlegt að liðið geti ekki sótt betur með þessa leikmenn innanborðs.

„Ef þú lítur á leikmennina sem liðið hefur. Rashford, Martial, Sanchez, Lukaku með aðstoð frá Pogba - myndi það ekki hræða þig? United á að gera betur með þessa leikmenn."

„Ég er undrandi á þessum gelda fótbolta. Ef ég væri stuðningsmaður United þá væri ég fullur viðbjóðs."
Athugasemdir
banner
banner
banner
banner