Ellis Short, núverandi eigandi Sunderland, er tilbúinn að gefa félagið ef hægt er að finna kaupanda sem tilbúinn er að greiða skuldir félagsins. Þetta segir í frétt frá BBC.

Short hefur verið að reyna að selja félagið en hefur ekki enn tekist að finna neinn sem tilbúinn er að kaupa það. Talað hefur verið um að hann sé að leitast eftir 50 milljónum punda fyrir hlut sinn.

Núna er hins vegar sagt að hann sé tilbúinn að "gefa það" svo lengi sem nýr eigandi taki að sér að borga skuldir félagsins. Árið 2016 voru skuldirnar tæplega 140 milljónir punda.