Tveir leikir fara fram í ítölsku úrvalsdeildinni í dag. Bologna og Genoa mætast í fyrri leik dagsins.

Liðin eru jöfn að stigum í 12. og 13. sæti deildarinnar með 30 stig. Genoa vann góðan 2-0 sigur á Inter um síðustu helgi.

Inter vonast til að komast aftur á sigurbraut þegar þeir taka á móti botnliði Benevento í seinni leik dagsins.

Benevento vann góðan sigur á Crotone um síðustu helgi en eru enn 11 stigum frá öruggu sæti.