Breiðablik lék sér að Grindavík í Faxaflóamóti kvenna í dag.

Blikar hafa verið á mikilli siglingu í síðustu leikjum sínum á þessu undirbúningstímabili en ekki er það sama hægt að segja um Grindvíkinga sem hafa tapað öllum sínum leikjum stórt, þeim síðasta gegn nágrönnum Blika í Stjörnunni 14-1!

Í dag sættu Grindvíkingar sig við 6-0 tap. Selma Sól Magnúsdóttir kom Blikum yfir á 19. mínútu og níu mínútum síðar var staðan orðin 4-0 fyrir Blika og þannig var hún í hálfleik.

Grindvíkingar náðu aðeins að þétta vörnina í seinni hálfleiknum og urðu lokatölurnar 6-0 fyrir Breiðablik.

Breiðablik hefur lokið þáttöku í Faxaflóamótinu og endar með 10 stig úr fimm leikjum. Eins og staðan er núna eru Blikar á toppi riðilsins en Stjarnan og FH eiga eftir að spila sína síðustu leiki og geta náð Blikum að stigum með sigri í þeim. Grindavík á einn leik eftir en liðið hefur tapað öllum sínum hingað til og er með markatöluna 2:31.

Leik lokið með 6-0 sigri @BreidablikFC . Þökkum Grindarvikurstúlkum fyrir komuna #Fotboltinet

— Blikar.is (@blikar_is) February 24, 2018