Hólmar Örn Eyjólfsson og félagar hans í Levski Sofia fara vel af stað eftir vetrarfrí í búlgörsku úrvalsdeildinni. Í dag bar liðið sigur úr býtum gegn nágrannaliðinu Septemvri Sofia.

Stanislav Kostov skoraði fyrstu tvö mörkin og kom Levski í 2-0.

Gabriel Obertan, fyrrum leikmaður Manchester United, kom Levski í 3-0 áður en Septemvri Sofia minnkaði muninn.

Obertan skoraði síðan annað mark sitt og fjórða mark Levski í uppbótartímanum og lokatölurnar 4-0.

Hólmar spilaði líkt og venjulega allan leikinn fyrir Levski sem er í þriðja sæti búlgörsku deildarinnar, sex stgium frá toppnum. Í síðustu umferð vann Levski 1-0 sigur á Botev Plovdiv, en það var fyrsti leikur liðsins eftir langt vetrarfrí. Liðið fer því vel af stað eftir vetrarfrí.