Riezspor 1 - 1 Elazigspor
1-0 Samu ('12)
1-1 Adrian Hora ('90, víti)
1-0 Samu ('12)
1-1 Adrian Hora ('90, víti)
Theódór Elmar Bjarnason og félagar í tyrkneska liðinu Elazigspor stálu stigi af Riezspor er liðin mættust í tyrknesku B-deildinni í dag. Leikurinn var að klárast rétt í þessu.
Elmar var í byrjunarliði Elazigspor að venju og spilaði allan leikinn.
Leikurinn byrjaði ekki vel fyrir Elazigspor því Samu kom heimamönnum í Riezspor yfir á 12. mínútu.
Staðan var 1-0 lengi vel og stefndi allt í sigur Riezspor þangað til dómarinn benti á vítapunktinn í uppbótartímanum og gaf Elazigspor vítaspyrnu. Rúmeninn Adrian Hora skoraði úr spyrnunni.
Lokatölurnar 1-1 en þetta er væntanlega stig sem Elazigspor tekur með glöðu geði þar sem Riezspor er topplið deildarinnar.
Elazigspor er í sjöunda sæti deildarinnar, einu stigi frá umspilinu.
Athugasemdir