Dalvík/Reynir hefur sent frá sér tilkynningu þar sem sagt er að Sveinn Margeir Hauksson hafi skrifað undir samning. Hann mun því spila með liðinu í sumar.
„Sveinn er efnilegur og spennandi leikmaður sem kemur án efa til með að spila stórt hlutverk fyrir liðið næsta sumar," segir í tilkynningu frá félaginu.
„Sveinn er efnilegur og spennandi leikmaður sem kemur án efa til með að spila stórt hlutverk fyrir liðið næsta sumar," segir í tilkynningu frá félaginu.
Sveinn Margeir er kunnugur Dalvíkingum en hann er 16 ára gamall og uppalinn á Dalvík.
Sveinn kemur til liðsins frá KA þar sem hann hefur leikið undanfarin ár. Sveinn spilaði sinn fyrsta meistaraflokksleik árið 2015 fyrir Dalvík/Reynir, þá í 2.deild.
„Það er ávallt gleðiefni þegar heimamenn snúa aftur og merki um það góða starf sem verið er að vinna í kringum félagið okkar. Einnig er þetta viðurkenning fyrir þá stefnu sem félagið hefur tekið í því átaki að fjölga heimamönnum og byggja upp stemningu í kringum liðið," segja Dalvíkingar enn fremur.
Dalvík/Reynir gekk í gær frá samningi við varnarmanninn Kelvin Sarkorh.
Athugasemdir
