Nemanja Matic.
Nemanja Matic, miðjumaður Manchester United, segir að Sevilla hafi verðskuldað að fara áfram eftir viðureign liðanna í 16-liða úrslitum Meistaradeildarinnar.
Sevilla vann 2-1 á Old Trafford í gær eftir markalaust jafntefli í fyrri leiknum á Spáni.
Sevilla vann 2-1 á Old Trafford í gær eftir markalaust jafntefli í fyrri leiknum á Spáni.
„Auðvitað er erfitt að taka þessu. Við erum ekki ánægðir því við erum úr leik í Meistaradeildinni. Svona er fótboltinn. Við þurfum að taka þessu og einbeita okkur að næsta leik sem er mikilvægur leikur í enska bikarnum (gegn Brighton)," sagði Matic eftir leik.
„Það eru engar afsakanir í boði. Við vorum að spila stórleik, eins og þið vitið, gegn Liverpool og við unnum hann."
„Við komum með mikið sjálfstraust inn í þennan leik en í dag (í gær) spiluðu þeir betur en við og verðskulduðu sigurinn."
Athugasemdir
