mið 14. mars 2018 18:48
Guðmundur Aðalsteinn Ásgeirsson
Meistaradeildin: Eftirleikurinn auðveldur hjá Bayern
Mynd: Getty Images
Besiktas 1 - 3 Bayern
0-1 Thiago Alcantara ('18 )
0-2 Gokhan Gonul ('46 , sjálfsmark)
1-2 Wagner Love ('59 )
1-3 Sandro Wagner ('84 )

Eftirleikurinn var auðveldur fyrir þýska stórveldið Bayern München í viðureign sinni gegn Besiktas í 16-liða úrslitum Meistaradeildarinnar.

Bayern vann fyrri leikinn í Þýskalandi 5-0 og Besiktas átti lítinn sem engann möguleika fyrir seinni leikinn sem var að klárast núna rétt í þessu. Eftir mark Spánverjans Thiago á 18. mínútu varð það ljóst að möguleikar Besiktas væru algjörlega úti.

Bayern komst í 2-0 með sjálfsmarki áður en Vagner Love minnkaði muninn eftir klukkutíma leik.

Framherjinn Sandro Wagner gerði þriðja mark Bayern á 84. mínútur og þar við sat, lokatölur 3-1 og samanlagt 8-1 fyrir Bayern sem er komið í 8-liða úrslit enn eitt árið.

Það eru komin sjö lið áfram í 8-liða úrslitin en á eftir skýrist það hvort Barcelona eða Chelsea verði áttunda liðið.

Smelltu hér til að sjá byrjunarliðin fyrir leik Barcelona og Chelsea
Athugasemdir
banner
banner
banner