Arnór Ari útskrifaðist sem viðskiptafræðingur hjá HR árið 2016 og þá gerðu hann og Hörður Bjarkason BS verkefni um mætingu á heimaleiki Breiðabliks. Um var að ræða rannsókn á þáttum sem hafa áhrif á áhorfendur á heimaleikjum Breiðabliks. Rannsóknin er áhugaverð en mikið hefur verið rætt um fækkun áhorfenda í Pepsi-deildinni undanfarin ár.

Arnþór og Hörður tóku viðtöl við fólk tengt Breiðabliks og skouðu vandlega hvaða þættir höfðu áhrif á mætingu. Þar á meðal voru leiktímar skoðaðir, sjónvarpsleikir, veðurfar, gengi Breiðabliks á tímabilinu og fleira.

„Fyrra gengi Breiðabliks á tímabilinu hafði gríðarlega mikil áhrif á mætingu. Ef liðið var í 1-3. sæti þegar leikurinn átti sér stað þá mættu töluvert fleiri á leikinn," sagði Arnþór í þættinum.

„Það sem mér finnst að félögin eigi að gera núna er að markaðssetja sig betur til að þetta skipti ekki jafn miklu máli. Það þarf að markaðssetja þetta þannig að það skipti ekki öllu máli í hvaða sæti liðin eru."

„Mér finnst umfjöllunin um deildina hafa aukist mikið á undanfarin ár en mér finnst félögin ekki vera að fylgja þar á eftir. Ég lagði það til við Breiðablik að fara í meiri markaðsetningu tengda leikjunum og vera meira í skemmtanabransanum. Að þetta sé viðburður sem fólk er að mæta á en ekki bara knattspyrnuleikur á milli tveggja liða."

Fyrr í mánuðinum var Sigmar Ingi Sigurðarson, fyrrum markvörður Breiðabliks, ráðinn sem viðburðar og markaðsstjóri hjá félaginu og hann á meðal annars að reyna að fá fleiri áhorfendur á leiki félagsins.

Smelltu hér til að skoða ritgerðina hjá Arnþóri og Herði

Sýna leiki í beinni á netinu
KA TV hefur sýnt leiki KA í fótbolta frá árinu 2016 og í vetur hefur verið sýnt frá leikjum liðsins í Lengjubikarnum. Ágúst Stefánsson er einn af þeim sem standa á bakvið útsendingarnar hjá KA TV.

Ágúst hefur einnig verið í sumarstarfi hjá KA undanfarin ár en félagið hefur meðal annars verið með sjónvarpsþætti á netinu og sýnt frá N1-mótinu á Akureyri. Allar deildir KA koma að KA TV og því eru ekki einungis fótboltaleikir sýndir þar.

Fleiri félög eru með leiki sína í beinum útsendingum og þessi markaður stækkar hratt á Íslandi. Ágúst telur að félög eigi að geta keypt allan búnað fyrir netútsendingar á 600 þúsund krónur.

„Þetta er æðislegt. Það er oft erfitt að hætta að sitja fyrir framan tölvuna og horfa á leiki. Þetta er draumur fyrir fólk sem hefur áhuga á íþróttum," sagði Ágúst um byltinguna í netsjónvarpsmálum á Íslandi.

Hér að ofan má hlusta á viðtölin við Arnþór og Ágúst.

Sjá einnig:
Hlustaðu gegnum Podcast forrit