Kristrún Rut Antonsdóttir hefur verið að gera góða hluti með Chieti í ítölsku B-deildinni.

Liðið heimsótti Nebrodi, sem er aðeins með sjö stig eftir sautján umferðir, í gær og lenti ekki í miklum erfiðleikum.

Kristrún skoraði þriðja og síðasta mark leiksins og innsiglaði þannig þriðja sigur Chieti í fjórum leikjum.

Liðið er í þriðja sæti deildarinnar, tveimur stigum frá Lazio og sextán stigum frá toppliði Roma.