Ivica Olic, aðstoðarþjálfari króatíska landsliðsins, mun fylgjast með íslenska landsliðinu í vináttuleikjunum gegn Mexíkó og Perú.
Ísland mætir Króatíu í lokaleik riðilsins á HM í sumar en leikurinn fer fram í Rostov þann 26. júní.
Ísland og Króatía voru saman í riðli í undankeppninni en Króatar ætla að fylgjast áfram náið með íslenska liðinu.
Ísland mætir Króatíu í lokaleik riðilsins á HM í sumar en leikurinn fer fram í Rostov þann 26. júní.
Ísland og Króatía voru saman í riðli í undankeppninni en Króatar ætla að fylgjast áfram náið með íslenska liðinu.
Aðstoðarþjálfarinn Olic ætlar að mæta á leiki Íslands en Zlatko Dalic landsliðsþjálfari Króata hefur staðfest þetta að sögn nígeríska fjölmiðilsins Hotsport.
Olic var ráðinn aðstoðarþjálfari Króatíu í fyrra en hann lék áður lengi með landsliðinu og spilaði meðal annars í umspili um sæti á HM 2014 gegn Íslandi.
Króatar mæta sjálfir Perú í vináttuleik á laugardaginn og Mexíkó í vináttuleik annan miðvikudag.
Króatar ætla einnig að fylgjast með öðrum andstæðingum sínum fyrir HM í þessu landsleikjahléi. Nikola Jerkan mun njósna um landslið Argentínu í leikjum gegn Ítalíu og Spáni og Ognjen Vukojevic mun fylgjast með Nígeríu í leikjunum gegn Póllandi og Serbíu.
Athugasemdir